APRENDE A REZICLAR Y REUTILIZAR EN ARAGONÉS CON A FAMILIA SOSTE-NIBLE

L’asoziazión de Llobregats, presenta a serie animada ‘A Familia Soste-Nible’, programa didautico de 47 capitulos dividius en cuatre bloques an ista familia nos amuestra os prenzipios fundamentals sobre o reziclache y a reutilizazión d’os materials. Entre atras luengas, a serie se difunde en aragonés grazias a la colaborazión de a Direzión Cheneral de Politica Lingüistica d’o Gubierno d’Aragón.

A Familia Soste-Nible’ nos aduya a entender cómo funziona a Economía Zircular conzienziando a grans y chicoz a reduzir, deseparar y depositar correctamén os suyos repuis en os contenedors d’a vía publica y os puntos limpios. Cada capitol conta con una ficha esplicativa sobre o tema tratau y un video ilustrativo.

Amás de curiosidaz y consellos, ‘A Familia Soste-Nible’ nos mostra a reziclar dende restas vechetals a aparatos electrodomésticos, siñalando-nos cómo fer un buen uso d’os contenedors correspondiens. Este ye l’enlaz pa consultar toz os capitol en aragonés, replegaus dentro d’a sezión de Recursos Educativos d’a web Lenguasdearagon.org:

Reciclaje pa dignificar colonias felinas

Llobregats ye una asoziazión sin animo de lucro cual obchetivo ye “aduyar a millorar a vida d’os felinos de ziudat por medio d’o metodo CES (captura, esterilizazión, suelta)”. Una asoziazión que ha tirau d’enchenio pa ofrexer unas soluzions a los gatos d’a carrera que aunen reziclache y arte urbano y que “aduben una dignificazión de l’entorno d’a colonia felina y que os suyos miembros sían controlaus tanto en numero como en estau de salut” y que ye despertando, mereixidamén, l’intrés mesmo dillá d’as nuestras fronteras.

O suyo obchetivo fundamental ye cudiar a salut d’as nuestras ziudaz millorando a vida d’una parte d’a biodiversidat urbana como son as colonias felinas por meyo d’a reutilizazión de materials refusaus por particulars, profesionals y conzellos metendo en funzionamiento ‘Colonias Felinas 3.0’.

 


CompartirEmail this to someonePrint this pageShare on FacebookShare on Google+Tweet about this on TwitterShare on LinkedIn