SILVIA ORÓS DAGA Y O CRA CINCA CINQUETA REZIBEN O PREMIO ESPIELLO “AGORA X L’ARAGONÉS”

O Premio “Agora x l’aragonés” ya conoxe a os suyos ganadors.

Estioron Silvia Orós Daga, en a categoría cheneral, con a obra Casa mía, casa tuya/Hogar, dulce hogar, y os alumnos d’aragonés d’o CRA Cinca-Cinqueta, en a categoría escolar, por o vidio Es millors mistantes de Belsetans TV/ Los mejores momentos de Belsetans TV, os que rezibioron o premio de manos d’o director cheneral de Politica Lingüistica d’o Gubierno d’Aragón, José Ignacio López Susín, en un auto zelebrau en Boltaña. O colechio Salesianos San Bernardo de Uesca, rezibió un aczésit por Nuei d’almetas/Noche de ánimas.

O gualardón s’enmarca dentro d’Espiello, Festival Internazional de Documental Etnográfico de Sobrarbe y tiene por obchetivo difundir o patrimonio lingüistico aragonés fomentando a creyazión audiovisual en luenga aragonesa.

A presén edizión ofrexe a posibilidat de desfrutar d’a esposizión “O nuestro charrar/ El nostre parlar”, un proyeuto didautico-cultural vinculau a la diversidat lingüistica aragonesa, empentau por a Direzión Cheneral de Politica Lingüistica d’o Gubierno d’Aragón y a Soziedat Cultural Aladrada, que recupera frases feitas y esprisions en aragonés y catalán con testos d’Iris Orosia Campos y debuxos de Delia Tello.

Dita esposizión podrá desfrutar-se, con mesa en eszena a cargo d’a Chaminera, dica o 19 de marzo en Boltaña, o 20 de marzo en Broto y o 22 de marzo en Tierrantona.


CompartirEmail this to someonePrint this pageShare on FacebookShare on Google+Tweet about this on TwitterShare on LinkedIn