PRESENTAZIÓN D’O LIBRO “QUÉ FAS… QUÉ FAS? VIENS U T’EN VAS?”

O Teatro Salesianos de Uesca será o puesto en o cual o venién chueves, 28 d’abril, a las 19:00 oras, se faiga a presentación d’o libro Qué fas… qué fas? Viens u t’en vas?, una recopilazión d’obras de teyatro representatas por l’alumnalla d’o Colechio Salesianos San Bernardo de Uesca en os zaguers años, y baxo a direzión d’o profesor Chesús Botaya Estaún.

L’auto contará con a presenzia de José Ignacio López Susín, direutor cheneral de Politica Lingüistica d’o Gubierno d’Aragón, y con o grupo de teatro “Ta ninos” que meterá en eszena a obra A prenzipesa Ababolina.

Compartir