PRESENTAZIÓN D’A III FERIA AGORA X L’ARAGONÉS
José Ignacio López Susín, director cheneral de Politica Lingüistica d’o Gubierno d’Aragón, y Francho Beltrán Audera, chefe de servizio de Politica Lingüistica, han presentau iste maitín a III Feria Agora x l’aragonés.
En a presén edizión, que se ferá o prosimo sabado, 19 de noviembre, en a Sala Luis Galve y en a Sala Hipóstila de l’Auditorio de Zaragoza, serán 44 as entidaz achuntadas a lo programa “Agora x l’aragonés” que se darán zita ta visibilizar totas aquellas propuestas que se levan a cabo en benefizio d’a difusión y normalizazión de l’aragonés.
Toz aquels que quieran “charrar” u «escuitar» aragonés, podrán desfrutar, de 10:00 a 14:30 y de 17:00 a 20:00 oras, de forma gratuita, de totas aquellas autividaz que s’han programau ta ninos y mayors. Mosica, presentazions de libros, charradas, tallers, taste u proyezions audiovisuals son belunas d’as autividaz que s’han diseñau ta ista chornada que achunta lo formativo, lo divulgativo y lo ludico.
A Feria, iniziativa promovida por a Direzión Cheneral de Politica Lingüistica d’o Gubierno d’Aragón, que conta con a colaborazión d’o Conzello de Zaragoza y o patrozinio d’o Ministerio de Cultura y Esporte d’o Gubierno d’España, ha conseguiu convertir-se en un punto de trobada de toz aquels que d’una u atra manera se relazionan con a luenga aragonesa, contribuyindo a normalizar o suyo uso, bella cosa fundamental ta la suya revitalizazión en o presén y a suya pervivenzia en o futuro.
CONSULTA O PROGRAMA D’AUTIVIDAZ
VIDEO PROMOZIONAL D’A III FERIA AGORA X L’ARAGONÉS
VIDEO D’A PRESENTAZIÓN D’A FERIA
