O GRUPO LA CHAMINERA EN A XIV EDIZIÓN D’O FESTIVAL DESPERTAFOLK
Plega a dezimocuarta edizión de Despertafolk, a trobada sobre mosica y bailes tradizionals d’a Corona d’Aragón.
Iste año 2020 se zelebrará en a Casa de Valencia en Barcelona y o sabado 12 d’aviento, a partir d’as doze d’o meyodía, contará con a partizipazión d’o grupo La Chaminera.
LA CHAMINERA (Aragó)
La Chaminera ye una compañía espezializada en mosica tradizional, cuentos e istorias d’a tradizión oral y organolochica popular con más de vinte años en os eszenarios. A reivindicazión d’a mosica y a cultura en lengua aragonesa, igual como en o catalán d’Aragón, ye a suya prenzipal enchaquia, cudiando iste patrimonio inmaterial.
La Chaminera ye bella cosa más que un grupo de mosica tradizional. A suya propuesta combina la interpretazión mosical con una puesta en eszena que reflexa que os suyos componens han formau parte de diferens agrupazions de mosica y teyatro. A realizazión d’exposizions, cursos, tallers y actividaz educativas arredol d’a relazión entre o patrimonio mosical, a zienzia y l’arte en cheneral, forman parte d’as actividaz complementarias que fan os suyos integrans: Ángel Vergara, diplomau en machisterio y Istoria de l’Arte, y María José Menal, lizenziada en psicolochía.
