LUCÍA LÓPEZ MARCO PRESIENTA “CUAN PLEGUE O COLAPSO”, GUALARDONATO CON O PREMIO ARNAL CAVERO 2022.
O Zentro Sozial Librería A Pantera Rossa de Zaragoza (Carrera San Vicente de Paúl, 28), aculle o prosimo viernes, 23 d’aviento, a las 19:00 oras, a presentazión de «Cuan plegue o colapso», obra de Lucía López Marco que estió gualardonata rezienmén con o Premio Arnal Cavero 2022.
Dito premio, convocato por a Direzión Cheneral de Politica Lingüistica d’o Gubierno d’Aragón e dotato con tres mil euros, premia una obra de creyazión literaria en cualsequier chenero (narrativa, poesía, teyatro, asayo) escrita en luenga aragonesa.
«Cuan plegue o colapso» ye un poemario que o churau acobaltó e definió como una poesía contemporania que sale d’o más fundo, creando un microcosmos poetico e transmitindo un mandau espontanio e potén de cariño por a luenga aragonesa.
Chunto a l’autora, serán presens en l’auto o editor Chusé Aragüés e o direutor cheneral de Politica Lingüistica d’o Gubierno d’Aragón, José Ignacio López Susín.
Puez amplar a informazión, aquí:
