LUCÍA LÓPEZ MARCO GANA O PREMIO ARNAL CAVERO 2022

A Direzión Cheneral de Politica Lingüistica d’o Gubierno d’Aragón ha feito publico o fallo d’o Premio Arnal Cavero 2022, que ha recaito en a escritora Lucía López Marco (Zaragoza, 1988). A obra premiada leva por títol ‘Cuan plegue o colapso’.

O premio, que leva o nombre d’o escritor y mayestro altoaragonés Pedro Arnal Cavero y que ye dotau con 3.000 euros, asinas como con a publicazión d’a obra, tiene por obcheto premiar una obra de creyazión literaria en cualsequier chenero (narrativa, poesía, teatro, asayo) escrita en luenga aragonesa en cualsequiera d’as suyas variedaz, asinas como a traduzión dende cualsequier atra luenga a l’aragonés.

O churau d’ista edizión, composato por o chefe de Servizio de Politica Lingüistica, Francho Beltrán Audera, o ganador de 2021, José Solana Dueso y as escritoras María José Subirá y Ana Giménez Betrán, actuando como secretario Carlos Costa Sorolla, ha dezidito, por unanimidat, atorgar o premio a lo poemario titulato ‘Cuan plegue o colapso’, que, ubierta a plica, resultó estar orichinal de Lucía López Marco.O churato ha avaluato una poesía contemporania que surte de lo más fundo, creyando un microcosmos poetico y transmitindo un mandato espontanio y potén de cariño por a luenga aragonesa.

ENAMPLA A INFORMAZIÓN:

Lucía López gana el Arnal Cavero 2022


CompartirEmail this to someonePrint this pageShare on FacebookShare on Google+Tweet about this on TwitterShare on LinkedIn