ENGUERO D’A MINISERIE DE DEBUXOS “MOÑACOS”, TA APRENDER ARAGONÉS
Ya ye disponible en a canal de YouTube Luengas d’Aragón e en a canal de Twitter @CulturaAragon o primer capítol de “Moñacos”.
Se trata d’una miniserie de debuxos animaus que, a lo largo de diez capitols, mostra nozions basicas de luenga aragonesa en situazions como saludar, despedir-se u presentar-se, e en relazión a temas como as partes d’o cuerpo, a familia, os arbols, os animals u o tiempo.
Cada diya se compartirá en a canal un nuevo capítol ta toz aquels que deseyen iniziar-se de manera divertita e amena en l’aragonés, d’a man de Guayén, Chuan, Ibón, Alodia, Liena, Lizer e Nunilo.
Se trata d’una iniziativa d’a Direzión Cheneral de Politica Lingüistica d’o Gubierno d’Aragón, que ha contato con o patrozinio d’o Ministerio de Cultura, con guión e direzión de Silvia Cebolla de Pepo Cabellud, locuzión de Cristina Sánchez Lapetra, Eduardo Laga, Juan Pablo Martínez, Pablo Martínez e Verónica Larraz, e a mosica de MOSICAIRES.
AZEDE DENDE AQUÍ A LA CANAL DE YOUTUBE LUENGAS D’ARAGÓN
