BIVIRÁ (BIBLIOTECA VIRTUAL DE L’ARAGONÉS) INCORPORA 175 NUEVOS TÍTOLS
A Direzión Cheneral de Politica Lingüistica d’o Gubierno d’Aragón ha alcordau con as cuatro editorials con mayor trayeutoria en a publicazión de libros en aragonés, a incorporazión de 175 nuevos títols a BIVIRÁ, a Biblioteca Virtual de l’Aragonés.
BIVIRÁ alcanza d’ista traza 1200 rechistros d’obras, grazias a las aportazions de Consello d’a Fabla Aragonesa, Aladrada Edizions y Rolde d’Estudios Aragoneses. Amás, Gara d’Edizions aportará, gratuitamén, más de 2200 eixemplars de títols diferens a las bibliotecas d’os zentros educativos en os cuals s’amostra aragonés ta fazilitar a l’alumnalla l’azeso a la conoixenzia y a o estudio d’a luenga aragonesa.
A Biblioteca Virtual de l’Aragonés auespa a mayor parti d’os testos que se conoxen en aragonés u con traza aragonesas dende o sieglo X dica l’autualidat a traviés de “LIBRA”, que replega obras literarias, y “DARA”, que ofrexe a l’usuario l’azeso a documentos en as luengas propias d’a Comunidat (aragonés y catalán d’Aragón).
