ANA CRISTINA VICENTE Y DAVID PELLEJER, CUARTO CONZIERTO D’O FESTIVAL MOSICASBAS 2022
Ana Cristina Vicente y David Pellejer prendrán o relevo d’Ana Isabel Serrano Osanz, Roberto Ciria, Sofía Bueno y Trío Lakme, o prosimo domingo, 2 de octubre, en o zaguero conzierto de MosiCasbas 2022.
O festival, que dio comienzo o pasau 11 de setiembre, se zelebra en o monesterio de Casbas, que auespa o Zentro d’Interpretazión de l’aragonés “Ana Abarca de Boleya”, puesto convertiu en zentro de referenzia d’a luenga aragonesa.
O proyeuto ha estau empentau por a Direzión Cheneral de Politica Lingüistica d’o Gubierno d’Aragón y ha contau con a colaborazión de l’Asoziazión d’Amigos d’o Monesterio de Casbas, d’a comarca Plana de Uesca y o conzello d’a localidat.
O conzierto rancará a las 12 oras, estando a dentrada libre, dica completar aforo.
ENAMPLE A INFORMAZIÓN AQUÍ:
