· RAMÓN VILLACAMPA SIPÁN GANA O IV CONCURSO D’HAIKUS EN ARAGONÉS

Ante l’espiello
a luz de fuellas berdas
torna a pasar

de Ramón Villacampa Sipán.

Nota d’o churau: En iste haiku, o chuego con a luz ye muito intresán, mui suchestivo. Se trata d’o contraste que establexe o fuchitivo, a luz, que sin dembargo torna. Prezisamén a luz aporta una buena nota de color, »berdas». O espiello da una nota, tamién, de talmén frachilidat, u de mundo vicario, visto solo en reflexo, pero a la vegada fundo. A presenzia de »as fuellas berdas» cumple perfeutamén o papel d’o kigo (espresión que marca a epoca de l’año). Predomina a naturaleza (anque ixe espiello aporta un toque umano muy intresán, que tamién puede entender-se como metafora) y a captazión d’un inte, como quereba o haiku clasico.

Norabuena a lo ganador. En breus me meteré en contacto con él pa fer-le plegar o premio.
Muitas grazias a toda la chen que ha partizipau, d’una traza u atra.
Muitas grazias a José Ángel Sánchez, churau d’o concurso.
Tamién querría tornar a dar as grazias a las entidaz colaboraderas: Direzión Cheneral de Politica Lingüistica, Xordica editorial, Gara d’edizions, Consello d’a Fabla aragonesa, Instituto de Estudios Altoaragoneses y Garabato Books.
Como resumen, s’han escrito 81 haikus, y bi han partizipau 21 personas.
A fin d’o concurso no ye atra que fomentar l’uso de l’aragonés en facebook, y fomentar a creyazión literaria en ista chiqueta lengua.

 


CompartirEmail this to someonePrint this pageShare on FacebookShare on Google+Tweet about this on TwitterShare on LinkedIn