ZICLO DE MOSICA LIRICA EN ARAGONÉS EN O ZENTRO D’INTERPRETAZIÓN DE L’ARAGONÉS «ANA ABARCA DE BOLEA»
José Ignacio López Susín, director cheneral de Politica Lingüistica d’o Gubierno d’Aragón, y Miguel Martínez Tomey, de l’Asoziazión Monesterio de Casbas de Uesca, han presentau en o maitín de uei o festival MosiCasbas, que acullirá la zelebrazión de cuatre conziertos de mosica lirica en aragonés entre l’11 de setiembre y o 2 d’octubre. Fan parti d’as autividaz d’o Zentro d’Interpretazión de l’aragonés “Ana Abarca de Bolea”, situau en o monesterio de Casbas, convertiu ya en referenzia en a mesa en valor d’a luenga aragonesa.
O proyeuto ha estau empentau por a Direzión Cheneral de Politica Lingüistica d’o Gubierno d’Aragón, con o patrozinio de o Ministerio de Cultura y ha contau con a colaborazión de l’Asoziazión d’Amigos d’o Monesterio de Casbas, d’a comarca d’a Plana de Uesca y o conzello d’a localidat.
Os conziertos d’Ana Isabel Serrano Osanz (11 de setiembre), Roberto Ciria (18 de setiembre), Trío Lakme (25 de setiembre) y David Pellejer y Ana Cristina Vicente (2 d’octubre), rancarán a las 12 oras, estando a dentrada libre, dica completar l’aforo.
ENAMPLE A INFORMAZIÓN AQUÍ:
