SEMINARIO TA PROFESORS/AS DE LUENGA ARAGONESA
O diya 21 de chinero se fizió a segunda sesión online d’o Seminario ta profesors/as de Luenga aragonesa, que s’adedicó á as metodolochías autivas en l’amostranza d’as luengas. O ponén convidau fue José Mas, asesor de franzés en o CARLEE (Centro Aragonés de Lenguas Extranjeras para la Educación).
S’analizoron e contimparoron as carauteristicas d’a metodolochía tradizional e d’as metodolochías autivas (aprendizache basau en procheutos, aprendizache basau en problemas, aprendizache cooperativo e colaborativo, aula invertida, aprendizache por competenzias, design thinking, gamificazión u aprendizache basau en o pensamiento) a traviés d’a partizipazión d’os asistens.
O cambio metodolochico que proposan todas istas metodolochías implican emplegar materials autenticos o realias e no relazionaus con l’amostranza de luengas, chenerar contenius (libros e revistas dichitals, podcasts e vidios, cómics, presentazions, linias de tiempo…), avaluar d’una nueva traza, empentar l’aprendizache cooperativo e colaborativo, e colaborar con alumnalla d’otras luengas.
