O CONZELLO DE UESCA ZELEBRA O DIYA INTERNAZIONAL D’A LUENGA MATERNA CON A PROYEZIÓN DE CURTOMETRACHES EN LUENGA ARAGONESA
O Zentro Cultural Manuel Benito Moliner de Uesca, o 1 de marzo, a las 20:30 oras, acullirá a proyezión de seis curtometraches en aragonés.
Se trata d’una autividat más dintro d’un amplo programa d’autos que en os prosimos meses se van a levar a cabo en distintos puntos d’Aragón, con motivo d’a zelebrazión d’o Diya Internazional d’a Luenga Materna que se zelebra cada 21 de febrero ta fomentar o multilingüismo e a diversidat cultural.
Os asistens podrán desfrutar d’os vidios ganadors d’as tres edizions d’o Concurso “Antonio Artero” de vidio en luenga aragonesa e d’una selezión d’obras gualardonadas con o premio Agora x l’aragonés.
Chunto a o Conzello de Uesca, han colaborau a Direzión Cheneral de Politica Lingüistica d’o Gubierno d’Aragón e Espiello, Festival Internazional de Documental Etnografico.
