JAVIER CORELLANO GANA O PREMIO BRAULIO FOZ DE CÓMIC EN ARAGONÉS CON “MUIXONS”
O churau de o II Concurso Braulio Foz de cómic en luenga aragonesa ha dezidiu por unanimidat atorgar o premio a la obra “MUIXONS”, d’a cuala, una vez ubierta a plica ha resultau estar autor Javier Corellano Velázquez.
O churau considera que ista obra destaca por a suya fluidez en a utilizazión d’o parlache d’o cómic, tanto en os suyos dialogos como en os suyos silenzios, por medio d’una capazidat narrativa espezialmén creativa por lo que fa a lo manullo d’as eszenas y enfoques que, de forma aparenmén senzilla, adube unir con coerenzia dos mundos en prenzipio distans como lo son l’analochico y o dichital.
Javier Corellano Velázquez (1987) ye incheniero tecnico en diseño industrial por a Universidat de Zaragoza y, seguntes él mesmo diz, «pintamonos» de corazón grazias en gran mida a las fronteras andaluzas que le mostró a pintar a suya lola materna. A suya fina ironía le leva a dezir que ye “A meyo camino entre o 2D y o 3D. Ilustrador, diseñador grafico, motion graphics… siempre intentando desimular que no sé debuxar”.
A notizia astí: http://aragonhoy.net/index.php/mod.noticias/mem.detalle/area.1343/id.280322
