DEVANTADERA EN GRAUS DE LA ESPOSIZIÓN “RETRATOS QUE CONTAN”
Lo Espazio Pireneus de Graus acullirá, dica lo 31 de mayo,la esposizión “Retratos que contan”, que mostra los retratos de siete informans que fan servir la llengua aragonesa, amás de cuantos audios en los cuals se repllegan entrevistas sobre los nombres de las casas de lo llugar, chuegos infantils, cantas y demás custions relazionadas con las tradizions aragonesas.
La muestra posa en valor la tradizión oral de la zona, dando valura a las personas y contribuyindo a la normalizazión de l’uso de las lluengas propias d’Aragón.
Lo proyeuto, desarrollau por la pedagoga Núria Sesé; la filologa y miembro d’a Soziedat Lingüistica Aragonesa, María José Girón; y la fotera Esther Naval, ye estau empentau por lo Conzello de Graus grazias a los fondos aportaus dende la Direzión Cheneral de Politica Lingüistica de lo Gubierno d’Aragón.
