CURSO D’INTRODUZIÓN A L’ARAGONÉS EN CASPE
Entre o 18 de marzo y o 22 d’abril, a Conzellería de Cultura d’o Conzello de Caspe y l’Asoziazión RASCLAR ofiertarán un curset d’introduzión a la luenga aragonesa, plantiau ta ninos menors de 12 años, ta menors entre 12 y 17 años y ta personas adultas.
As cuatre sesions d’as cualas consta o curso se levarán a cabo en a Biblioteca Munizipal de Caspe y incluyirán exerzizios ludicos, leuturas, representazions, cantas, mapas y esquemas. Amás, se tratarán contenius complementarios sobre naturaleza, istoria, gastronomía, matematicas, economía y cultura cheneral.
O curso conta con o refirme d’a Direzión Cheneral de Politica Lingüistica d’o Gubierno d’Aragón en o suyo obchetivo de normalizar l’uso d’as luengas propias d’Aragón.
Puez inscribir-te presenzialmén en a Biblioteca Munizipal, en o numero de telefono 976 63 18 40 u a traviés d’as direzions de correu eleutronico: bibliotecaspe@gmail.com / cultura@caspe.es
