CARLOS BASELGA REPLEGA O PREMIO «ANTONIO ARTERO» DE VIDEO EN LUENGA ARAGONESA
O Director Cheneral de Politica Lingüistica d’o Gubierno d’Aragón, José Ignacio López Susín, ha presidiu la entrega d’o II Premio d’o Concurso “Antonio Artero” de video en luenga aragonesa, que en a edizión de 2020 ha recaito en Carlos Baselga Abril por o suyo curtometrache Utopía, que s’une a atros treballos d’o director filmaus en aragonés, como A chaminera (2002) o Porqué dixamos o nuestro lugar? (2004), abordando de nuevo en ista zinta o prozeso d’abandono d’os lugars altoaragoneses con una canta de La Orquestina d’o Fabirol.
L’acto, conduziu por Patricia Español, directora d’o Festival Internazional de Zine Espiello, tenió lugar o pasau viernes en o Palazio de Congresos de Boltaña y entre o mesmo se proyeutó Pleito a lo sol (1980) d’o director Antonio Artero, amás d’a zinta ganadera.
-
- José Ignacio López Susín entrega o premio a Carlos Baselga, director, y Carlos Serrano, mosicaire de La Orquestina del Fabirol
-
- O ganador chunto a miembros de La Orquestina del Fabirol
