CARLOS BASELGA GANA O III CONCURSO ANTONIO ARTERO DE VIDIO EN ARAGONÉS CON «ADORMI-TE»
Carlos Baselga Abril ye autor de zintas en aragonés como A chaminera (2002), Porqué dixamos u o nuestro lugar? (2011) u Arcadia (2020).
O churau, formau por Patricia Español Espurz, directora d’o Festival de zine etnográfico Espiello; Iris Orosia Campos Bandrés, profesora d’a menzión de luenga aragonesa d’a Universidat de Zaragoza y directora de documentals y Alejandro Ibañez, mayestro d’aragonés, mosicaire y comunicador audiovisual, que ha estau presidiu por o Chefe de Servizio de Politica Lingüistica, Francho Beltrán Audera y actuando como Secretario l’asesor dozén Iván Izquierdo Gómez, ha siñalau “as valors d’una obra que normaliza l’uso de l’aragonés ta tratar un tema d’autualidat con una gran sensibilidat, destacando a creyatividat d’o suyo guión”.
