AUTIVIDAZ D’O DIYA INTERNAZIONAL D’A LUENGA MATERNA EN CHACA
O Conzello de Chaca se sumó a las autividaz d’o Diya Internazional d’a Luenga Materna con un contacuentos en aragonés feito por Manuel Campo «Pol» en a Casa d’a Cultura. Posteriormén se zelebró una charrada en streaming dende o Salón de Ziento d’o conzello, por Blanca Crapazín, archivera munizipal, en a cuala se fabló d’o Libro d’a Cadena, que ye a prenzipal alfaya d’o fichero munizipal de Chaca, documento tamién fundamental en a istoria d’o Reino d’Aragón. Se trata d’un manuscrito elaborato entre l’año 931 y o 1324, an son copiatos os privilechios reyals, estatutos, donazions y decretos más importans a favor d’a ziudat de Chaca, incluyindo o Fuero de Chaca, estando l’aragonés una d’as luengas en as cualas ye escrito. Tamién esponió atros documentos istoricos en aragonés que poseye o fichero.
Javier Acín, Conzellero de Cultura, acobaltó que o Conzello ha aprebato a siña d’un protocolo con o Gubierno d’Aragón pa la mesa en marcha de midas pa la conservazión y difusión d’a luenga aragonesa.
