A LUENGA ARAGONESA, PRESÉN EN O PLANETARIO DE UESCA
Os diyas 9 y 23 de setiembre l’aragonés será presén en o Planetario de Uesca.
Se trata d’a propuesta ‘O zielo en aragonés’, que ha contau con a colaborazión d’o Consello d’a Fabla Aragonesa y o patrozinio d’a Direzión Cheneral de Politica Lingüistica d’o Gubierno d’Aragón, a traviés d’a convocatoria de subvenzions de 2022, en una orichinal iniziativa que mira dar visibilidat a la cultura y a la luenga aragonesa a traviés de l’astronomía.
A presentazión d’o proyeuto tendrá puesto o prosimo viernes, a las 20:00 oras, y contará con a presenzia de Jesús Pérez Navasa, direutor d’o Planetario; José Ignacio López Susín, direutor cheneral de Politica Lingüistica; Chusé I. Nabarro, presidén d’o Consello d’a Fabla Aragonesa; asinas como d’un planetarista d’o zentro, que prozederá a la esplicazión d’una serie de cartels en os cuals os elementos zelestes se describen en castellano y en aragonés, y de Chusé Damián Dieste Arbués, que relazionará os elementos cosmicos con o refranero en aragonés.
O diya 23 de setiembre se levará a cabo a segunda chornada, en a cuala tendrá puesto un taller en o cual s’esplicará o funzionamiento d’o reloch Hipatia, situau en a planeta esterior d’o rezinto. Contino, l’azión pasará ta la cupula d’o Planetario, do Rafel Vidaller Tricas repasará a simbolochía solar aragonesa.
Totas as autividaz serán de baldes, dica completar aforo.
Ampla a informazión en:
