O CODIGO D’O DREITO FORAL D’ARAGÓN YA YE DISPONIBLE EN ARAGONÉS
A Sala Juan de Lanuza d’o Palazio d’Armijo (Don Juan d’Aragón 7, Zaragoza) estió testigo, o pasau lunes, de l’auto de presentazión d’o Codigo d’o dreito foral d’Aragón, organizau por a Direzión Cheneral de Politica Lingüistica d’o Gubierno d’Aragón e por o Chustizia d’Aragón.
José Ignacio López Susín, direutor cheneral de Politica Lingüistica; e Javier Hernández, lugartenién d’o Chustizia d’Aragón, presentoron a versión d’o Codigo d’o Dreito Foral que ye estada editada por Atelier, libros churidicos, e cual traduzión a l’aragonés ha corriu a cargo de Miguel Martínez Tomey.
Con ista iniziativa, o dreito aragonés torna ta la luenga en a cuala estió escrito d’o sieglo XIII a o XV.
L’auto s’inscribe dintro d’o programa d’autividaz diseñau con motivo d’a zelebrazión d’o Diya Internazional d’a Luenga Materna que incluye más de 170 autividaz que se levarán a la prautica en 60 localidaz d’a Comunidat Autonoma d’Aragón.
AZEDE A O VIDEO DE L’AUTO, CON ISTE ENLAZ
