· «MULLERS ANSOTANAS» EN O PALAZIO DE CONGRESOS DE CHACA
A exposizión «Mullers ansotanas» plega en o Palazio de Congresos de Chaca dende o 17 de chulio dica o 5 d’agosto de 19 a 21 oras.
Esta exposizión mete en valor o treballo d’as mullers en o marco d’a soziedat tradizional, fuera de casa suya. Treballos silenziosos e silenziaus, que no replegan os papels ofizials do siempre aparixen as mullers, en a suya relazión con os ombres, como donzellas, casadas u viduas, sin reconoxer-lis nengún ofizio.
As mullers d’Ansó treballoron en diversas fainas temporals fuera d’a casa, d’o lugar e mesmo d’o país suyo, durante a segunda metat d’o sieglo XIX. Uno d’estos treballos, o más chocante, ye que fuoron vendedoras ambulantes de yerbas medezinals. Correban España caminando e siempre yeran mullers solas. Un causo unico que merexe conoxer-se.
