I Feria Agora x l’Aragonés

Ista zita, organizada por a Direzión Cheneral de Politica Lingüistica d’o Gubierno d’Aragón y o Conzello de Zaragoza, con a colaboración de Turismo de Aragón y o Instituto Aragonés de Fomento, ye estau un amplo escaparate de interpresas e iniziativas en pro de l’aragonés.

O buen orache ha acompañau a zelebrazión de ista I Feria Agora x l’aragonés que ha contau con más de 60 partizipans en os espositors y numerosas actividaz de entidaz aderidas a o programa que leva iste nombre. O director cheneral de Politica Lingüistica, Ignacio López Susín, fazió a devantadera de a muestra en o «Centro de Convivencia para Mayores Pedro Laín Entralgo» de Zaragoza.

Ista primera edizión ha despertau un gran intrés y ye estau un buen escaparate de una ampla anvista de iniziativas en pro de l’aragonés que se son fendo dende diferens puestos. A o largo de tot o diya se han zelebrau trobadas con «mentors» ta charradas informals, tallers ufrius por as interpresas partizipans, actuazions mosicals, de machia, chuegos tradizionals, proyezións, contacuentos, tastes y catas, entre atras actividaz.

Belunas fotos y o vidio pueden veyer-se astí.

GALERÍA DE FOTOS

VIDIO